കടലാസുകോണുകൾ!

ചിത്രങ്ങളും വിചിത്രങ്ങളും ഉള്ള പത്രത്താളുകൾ ! കരവിരുതോടുകൂടി അയാൾ കോണുകൾ ഉണ്ടാക്കി അടുക്കിക്കൊണ്ടിരുന്നു. ഒന്നിനുള്ളിൽ ഒന്നായി മേലെ മേലെ…
കപ്പലണ്ടിപ്പാത്രത്തിന്റെ ചുറ്റും ആ കോണുകൾ കാണാൻ ചന്തമുള്ള വിധത്തിൽ കുത്തിനിർത്തി.

ഒരു ഭാവഭേദവും കൂടാതെ, ആ ചന്തം നോക്കാതെ, അയാൾ അടുത്ത കപ്പ് കപ്പലണ്ടി വറുക്കാനിട്ടു !

ഇടക്കിടക്ക് അയാൾ പോലും അറിയാതെ ചീനച്ചട്ടിയിൽ ചട്ടുകം തട്ടിക്കൊണ്ടിരുന്നു. ഇവിടെ കപ്പലണ്ടി കിട്ടും എന്ന് അത് പറയുന്നപോലെ !

സന്ധ്യയുടെ തണുപ്പിൽ ചൂടുകപ്പലണ്ടിക്ക് ആവശ്യക്കാർ ഉണ്ടായിരുന്നു. കടലാസുകോണുകളുടെ ഉയരം കുറഞ്ഞു കുറഞ്ഞു വന്നു; കപ്പലണ്ടിപാത്രത്തിന്റെ ചന്തവും!

ചിലപ്പോഴൊക്കെ ചന്തം കുറയുന്നതും നല്ലത് !

നല്ല ചൂടുള്ള കപ്പലണ്ടി !

---

Original Pic: Thanks to my friend Aruna